ADEPR yatanze amazu y’agaciro ka miliyoni 20 ku batishoboye ADEPR yatanze amazu y’agaciro ka miliyoni 20 ku batishoboye

Yanditswe kuya 14-07-2015 na Emmanuel

Itorero ADEPR ryashyikirije amazu atanu afite agaciro ka miliyoni 20 zirenga yubakiwe abatishoboye barokotse Jenoside yakorewe Abatutsi mu 1994, kugira ngo abadafite aho kuba babone aho kurambika umusaya.

Kuri uyu wa Kane tariki ya 28 Gicurasi 2015, nibwo Itorero rya Pentekote mu Rwanda ADEPR ryatashye aya mazu.

Ayo mazu yatashywe n’umuvugizi mukuru w’itorero ADEPR, yashyikirijwe abo mu karere ka Rulindo, mu Ntara y’Amajyaruguru.

Mu kiganiro n’Umuvugizi wa ADEPR, Rev. Sibomana Jean, yavuze ko iki gikorwa bagitekereje nyuma yo gusanga hari bamwe mu bacitse ku icumu badafite aho kurambika umusaya, nk’itorero ryigisha urukundo basanga ari byiza kubafasha.

Ati ”Twaje gutaha amazu twubakiye abazize Jenoside yakorewe Abatutsi, kuko iki ni igikorwa twatekereje tukimara kubona ko abacitse ku icumu atari bake, kandi baba mu buzima bubagoye badafite aho kurambika umusaya, dusanga ari byiza nk’itorero ryigisha urukundo ryashakira bamwe muri bo aho kurambika umusaya."

Mukakamari Liberata umwe mu bahawe inzu, yishimiye cyane ubufasha yahawe na ADEPR kuba yamuhaye inzu irimo ibintu byose.
Ati ”Uyu munsi nabonye ari umunsi mukuru cyane kuri njye kuko nta kintu nawugereranya nawo kubona twari turi ahantu mu manengeka bakaba batuzanye aha ngaha ndashimira Imana hamwe n’itorero rya ADEPR ko rimpaye inzu itunganye y’amasaziro irimo ibintu byose kandi buri muntu wese yashima."

Ibi bikorwa byo gufasha abatishoye biri gukorwa na ADEPR, biri guhindura ubuzima bwa benshi ndetse n’inzego zitandukanye za Leta zikaba zikomeje gushimira iri torero kubw’ibi bikorwa by’urukundo.



ANDIKA ICYO UTEKEREZA


IBITEKEREZO


ADEPR Tweets











ADEPR Facebook